Harivarasanam
హరివరాసనం విశ్వమోహనమ్ హరిదధీశ్వరం ఆరాధ్యపాదుకమ్ | అరివిమర్దనం నిత్యనర్తనమ్ హరిహరాత్మజం దేవమాశ్రయే || ౧ ||
శరణకీర్తనం భక్తమానసమ్ భరణలోలుపం నర్తనాలసమ్ | అరుణభాసురం భూతనాయకమ్ హరిహరాత్మజం దేవమాశ్రయే || ౨ ||
ప్రణయసత్యకం ప్రాణనాయకమ్ ప్రణతకల్పకం సుప్రభాంచితమ్ | ప్రణవమందిరం కీర్తనప్రియమ్ హరిహరాత్మజం దేవమాశ్రయే || ౩ ||
తురగవాహనం సుందరాననమ్ వరగదాయుధం వేదవర్ణితమ్ | గురుకృపాకరం కీర్తనప్రియమ్ హరిహరాత్మజం దేవమాశ్రయే || ౪ ||
త్రిభువనార్చితం దేవతాత్మకమ్ త్రినయనప్రభుం దివ్యదేశికమ్ | త్రిదశపూజితం చింతితప్రదమ్ హరిహరాత్మజం దేవమాశ్రయే || ౫ ||
భవభయాపహం భావుకావకమ్ భువనమోహనం భూతిభూషణమ్ | ధవళవాహనం దివ్యవారణమ్ హరిహరాత్మజం దేవమాశ్రయే || ౬ ||
కళమృదుస్మితం సుందరాననమ్ కళభకోమలం గాత్రమోహనమ్ | కళభకేసరీవాజివాహనమ్ హరిహరాత్మజం దేవమాశ్రయే || ౭ ||
శ్రితజనప్రియం చింతితప్రదమ్ శ్రుతివిభూషణం సాధుజీవనమ్ | శ్రుతిమనోహరం గీతలాలసమ్ హరిహరాత్మజం దేవమాశ్రయే || ౮ ||
శరణం అయ్యప్పా స్వామి శరణం అయ్యప్పా | శరణం అయ్యప్పా స్వామి శరణం అయ్యప్పా ||
Last updated