Sri Venkateshwara Mangalashasanam

శ్రీ వేంకటేశ్వర మంగళాశాసనం

(Sri Venkateshwara Mangalashasanam)

శ్రియః కాంతాయ కళ్యాణ నిధయే నిధయేఽర్థినాం శ్రీవేంకటనివాసాయ శ్రీనివాసాయ మంగళమ్ || ౧ ||

లక్ష్మీ సవిభ్రమాలోక సుభ్రూ విభ్రమచక్షుషే చక్షుషే సర్వలోకానాం వేంకటేశాయ మంగళమ్ || ౨ ||

శ్రీ వేంకటాద్రి శృంగాగ్ర మంగళాభరణాంఘ్రయే మంగళానాం నివాసాయ శ్రీనివాసాయ మంగళమ్ || ౩ ||

సర్వావయవసౌందర్య సంపదా సర్వచేతసాం సదా సమ్మోహనాయాస్తు వేంకటేశాయ మంగళమ్ || ౪ ||

నిత్యాయ నిరవద్యాయ సత్యానందచిదాత్మనే సర్వాంతరాత్మనే శ్రీమద్ వేంకటేశాయ మంగళమ్ || ౫ ||

స్వతస్సర్వవిదే సర్వశక్తయే సర్వశేషిణే సులభాయ సుశీలాయ వేంకటేశాయ మంగళమ్ || ౬ ||

పరస్మై బ్రహ్మణే పూర్ణకామాయ పరమాత్మనే ప్రయుంజే పరతత్త్వాయ వేంకటేశాయ మంగళమ్ || ౭ ||

ఆకాల తత్త్వమశ్రాంతమాత్మనామనుపశ్యతాం అతృప్త్యమృతరూపాయ వేంకటేశాయ మంగళమ్ || ౮ ||

ప్రాయస్స్వచరణౌ పుంసాం శరణ్యత్వేన పాణినా కృపయాఽఽదిశతే శ్రీమద్ వేంకటేశాయ మంగళమ్ || ౯ ||

దయామృతతరంగిణ్యాస్తరంగైరివశీతలైః అపాంగైః సించతే విశ్వం వేంకటేశాయ మంగళమ్ || ౧౦ ||

స్రగ్భూషాంబరహేతీనాం సుషమావహ మూర్తయే సర్వార్తిశమనాయాస్తు వేంకటేశాయ మంగళమ్ || ౧౧ ||

శ్రీవైకుంఠవిరక్తాయ స్వామిపుష్కరిణీతటే రమయా రమమాణాయ వేంకటేశాయ మంగళమ్ || ౧౨ ||

శ్రీమద్సుందరజామాతృ మునిమానసవాసినే సర్వలోకనివాసాయ శ్రీనివాసాయ మంగళమ్ || ౧౩ ||

మంగళాశాసనపరైర్మదాచార్య పురోగమైః సర్వైశ్చ పూర్వైరాచార్యైః సత్కృతాయాస్తు మంగళమ్ || ౧౪ ||